La petita istòria

I avèva un còp...

‘Quò’s en 1983 que lo grop espelís. Encontra decisiva entre Francés T., Cristina e Gerard HENRY, alentorn de la misa en plaça d’un cors d’occitan a Liborna. Au passatge, saludem Miquèu Audoyer, lo regent de lenga.

Lo grop es completat per Jan-Danís (dishut Niní), supèrba bassa profonda mei sa sòr, Maria-Francesa, polit sopranò, e antau fòrma, damb Gerard e Cristina, lo quatuòr vocau que balharà au grop sa color pus classica que francament tradicionala.

Gerard se met a escriure los tèxtes cantats per Passa Camin. Tots compausan.Lo premèir enregistrament sus caissèta es realizat en 1986, ‘quò’s Marrit sòmi.

Puei l’eslonhament geografic, las cuentas familialas mei professionalas van reformatar lo grop. Jan-Danís se’n vai. Uc D. arriba.

Un second enregistrament espelís, La Marega. Passa Camin acuelha Simon B. apuei Bernat Couthouis au cors de l’annada 1992.

En 1994-1995, Danièl Duchesne rejonh lo grop. La voetz es omnipresenta, en solò o en polifonia. La boha se rala dens las creacions o las reprisas dau grop.

1997. Un CD garda la memòria de ‘quela periòda, A punta d’alba, d’après una cançon compausada d’après un tèxte de Max Lafargue, poèta occitan.

Lo grop se divisa en 1999.

Passa Camin reprend la route en 2014….

 
 

Passa Camin - 296 chemin de la Mongie 33420 Génissac - passacamin@gmail.com   07.83.17.59.87